BATANGAS CITY – Patay ang isang Canadian nang pagbabarilin ng hindi pa kilalang mga salarin sa harap ng kanyang bahay sa Barangay Tingga Itaas sa Batangas City nitong Linggo ng gabi.

Bakas pa ang dugo sa harapan ng bahay ni Barry Gamon kung saan siya pinagbabaril.

Nadala ng mga rumespondeng tanod ang biktima sa ospital pero namatay rin habang ginagamot.

Nadaplisan rin umano ng bala sa kanang binti si Luzviminda Gamon, ang asawa ng namatay.

Ayon sa pulisya, lulan ng motorsiklo ang dalawang salarin na agad tumakas matapos ang pamamaslang.

Mayroon na umanong sinusundang lead ang pulisya sa insidente ngunit tumanggi muna silang ilantad ito.

Patuloy ang imbestigasyon sa insidente para sa agarang pagkaresolba ng kaso.

Bisitahin ang Patrol.PH para sa iba pang mga balita.

bin picking