DAVAO CITY – Arestado sa operasyon ng Talomo Police Station ang isang empleyado ng Davao City Hall at ang kaniyang nobya nitong Lunes ng hapon.

Miyembro ng Civil Security Unit ang suspek na kinilalang si Jayson Bendoy alyas Jason, 35 taong gulang.

Kinilala naman ang nobya nito na si Razil Manlapas, 29 anyos.

Ayon sa hepe ng Talomo Police na si Chief Inspector Ronald Lao, isinagawa ang buy-bust operation sa loob ng isang inn sa Cabaguio Avenue kung saan naka-check-in ang magkasintahan.

Maliban sa isang sachet na ilegal na droga, nakuhanan ang magkasintahan ng 5 pang sachet ng hinihinalang shabu at drug paraphernalia.

Kakasuhan ng paglabag sa Comprehensive Dangerous Drugs Act ang dalawa.

Bisitahin ang Patrol.PH para sa iba pang mga balita.

bin picking