DAVAO CITY – Lumubog sa baha ang ilang mga sasakyang tumatahak sa kahabaan ng highway, partikular na sa La Verna, Buhangin sa lungsod na ito, Biyernes ng gabi.

Sa kuha ni Bayan Patroller Mary Mae Mariano Jaquias Orcullo, makikitang stranded ang mga sasakyan sa gitna ng highway sa isang lane.

Sa video, kita ang ilang sasakyan na inaalon ng tubig na umaapaw naman mula sa kabilang lane tuwing may malalaking truck na dumaraan.

Mayroon ding isang behikulo na tinangay ng baha hanggang sa mahulog sa creek habang dalawang SUV ang inanod din ng pag-agos ng tubig.

Bukod sa mga sasakyan, naperwisyo rin ng pagbaha ang ilang mga negosyo sa tabi ng kalsada.

Wala nang nagawa pa ang mga driver ng mga na-stranded na sasakyan dahil sa mabilis na pagtaas ng tubig na dala ng malakas na pagbuhos ng ulan.

Bisitahin ang Patrol.PH para sa iba pang mga balita.

bin picking