Ibinunyag ng young actress na si Kisses Delavin ang isa sa kaniyang mga "hidden talent" o natatagong kakayahan.

Sa panayam ng "Tonight With Boy Abunda" noong Lunes kay Delavin at sa katambal na si Donny Pangilinan, sinalang ang dalawa sa serye ng mga tanong para malaman kung gaano nila kakilala ang isa't isa.

Nang hingan si Pangilinan ng isa sa mga "hidden talent" ni Delavin, isinagot ng aktor na kaya nitong tumakbo habang nakasuot ng heels sa paa.

Watch more in iWantv or TFC.tv

Sumampol pa si Delavin at tumakbo sa studio ng naturang programa.

Bukod dito, ipinagmalaki din niyang kaya niyang mag-jumping jacks habang naka-heels.

Bumisita sa programa sina Delavin at Pangilinan para i-promote ang pagbibidahan nilang pelikulang "Walwal" na ipalalabas sa mga sinehan sa bansa simula Miyerkoles.

Bisitahin ang Patrol.PH para sa iba pang mga balita.

ai vision