Ikinatuwa ni Jeron Teng na nakabalik na siya sa paglalaro ng basketbol matapos mabiktima ng pananaksak noong nakaraang buwan.

"Super happy ako and blessed na I was able to get back," sabi ni Teng noong Biyernes matapos magwagi ang kinabibilangan niyang Alaska Aces kontra Phoenix Fuel Masters sa 2018 PBA Commissioner's Cup.

Ayon kay Teng, patuloy siyang nag-eensayo para bumuti muli sa paglalaro.

"Sieympre more than a month din ako nawala so 'yong timing ko medyo off pa rin pero I'm working on it," ani Teng.

"Suwerte pa rin ako na may isang game pa before the playoffs so at least kahit paano nakalaro pa ako bago mag-playoffs," aniya.

Nakalaro noong Biyernes si Teng ng 18 at kalahating minuto, at nagtala ng pitong puntos at dalawang rebound.

PBA: Jeron Teng returns to action for Alaska after stabbing incident

Dagdag pa ni Teng, natuto siya sa insidente na mag-ingat sa mga nakakasalamuha.

"When we go out, hindi natin alam kung sino'ng mga nae-encounter natin. Siguro advice ko, mag-ingat lang dahil siyempre 'di natin alam kong sino 'yong kunwari may mga dalang weapon 'yong mga kasama natin," ani Teng.

Nasugatan noong nakaraang buwan si Teng at ang dalawa sa kaniyang dating kasamang manlalaro sa De La Salle University matapos masangkot sa gulo sa labas ng isang bar sa Taguig City.

Jeron Teng, 2 other players hurt in stabbing incident

Para sa iba pang balitang pampalakasan, pumunta sa website ng ABS-CBN Sports.

Bisitahin ang Patrol.PH para sa iba pang mga balita.

ai vision