A post shared by Pia Wurtzbach (@piawurtzbach) on Jun 20, 2018 at 6:12am PDT

Ibinahagi ng aktres at beauty queen na si Pia Wurtzbach ang uri ng karakter na nais niyang gampanan sakaling mabigyan siya ng bagong movie project.

"Gusto ko maging kontrabida para maiba naman," sabi ni Wurtzbach noong Biyernes sa isang product launch.

"I think that would be a challenge. Kasi people see me as Miss Universe and maybe it would be nice to let them see another side of me," paliwanag niya.

Watch more in iWantv or TFC.tv

Sa ngayon, abala ang 28 anyos sa pagsusulat ng kaniyang libro.

Bagaman tumangging magbigay ng patikim sa libro, ibinahagi ni Wurtzbach na tungkol ito sa kaniyang buhay bilang beauty queen.

"Like how I started with the beauty pageant world and my experience in the beauty pageant world, the struggles, and hearing the stories from other girls also," ani Wurtzbach. 

Unang nakilala si Wurtzbach nang masungkit noong 2015 ang titulong Miss Universe Philippines at kalaunan ay Miss Universe.

Huling bumida si Wurtzbach sa box-office hit na "My Perfect You" bilang ang maingay na si Abi, na love interest naman ng karakter ni Gerald Anderson.

Bago ang "My Perfect You," pumatok din sa takilya ang pinagbidahan ni Wurtzbach na Metro Manila Film Festival entry na "Gandarrapiddo: The Revenger Squad" kasama sina Vice Ganda at Daniel Padilla.

Bisitahin ang Patrol.PH para sa iba pang mga balita.

ai vision