Nanakawan si Dingdong Avanzado habang nagbabakasyon sa Amerika.

Nangyari ang pagnanakaw sa Vallejo, California kung saan binasag ng mga kawatan ang bintana ng kanyang kotse at tinangay ang kanyang body bag, wallet, driver's license, pera, at ilang credit cards.

“Took me awhile to post. This is what caused me so much stress over the weekend,” aniya sa Instagram kung saan ibinahagi niya ang litrato ng basag na bintana ng kanyang sasakyan.

Sa kabila ng nangyari, nagpasalamat pa rin si Dingdong na walang nasaktan sa insidente.

A post shared by Dingdong Avanzado (@iamdingdong_a) on Jun 25, 2018 at 11:23pm PDT

Aminado siyang na-traumatize siya sa naganap.
 
“Thankfully, no one was hurt. Just felt a little bit traumatized by this incident. It really is sad that this has become more rampant in this day and age. Wishing this won't happen to any of my friends and family,” sabi ni Dingdong.

Hindi naman kasama ni Dingdong ang asawang si Jessa Zaragosa at anak na si Jayda nang mangyari ang insidente.

Tulad ni Dingdong, nakahinga nang maluwag si Jessa dahil hindi pisikal na nasaktan ang asawa sa pangyayari.

Bisitahin ang Patrol.PH para sa iba pang mga balita.

ai vision