Watch more in iWantv or TFC.tv

MANILA — Malaki ang pasasalamat ni DJ Jhai Ho kay Karla Estrada.

Sa "Magandang Buhay" nitong Miyerkoles, kinuwento ni Jhai Ho ang malaking tulong ni Karla para sa kanyang pamilya.

"Very, very thankful tayo kay QM (Queen Mother) kasi hindi ko naman sini-secret, si QM tinulungan tayo," ani Jhai Ho sa katabing ina na si Ruth Nepomuceno.

"Tinulungan kami ni QM para makapag-down sa bahay na lilipatan namin."

Ayon kay Jhai Ho, agad-agad ang naging pagtulong sa kanya ni Karla noong sabihan niya ito tungkol sa pagnanais niya na magkaroon ng bagong bahay.

"Ayaw na ayaw niyang sinasabi 'yon, pero si QM noong sinabi ko na 'QM, wala kaming balur, sinusubukan naman namin.' In fairness, agad-agad. Noong sinabi ko, si Queen Mother ay papahiramin tayo ng pang-down, ganyan-ganyan push naman agad-agad," ani Jhai na sinabing kahit anong oras ay maari na silang lumipat sa kanyang bagong bahay.

Paglilinaw naman ni Karla, matagal na niyang kaibigan si Jhai Ho bago pa ito disc jockey o DJ.

"Marami ring naitulong sa pamilya namin ni Jhai Ho na hindi mababayaran ng salapi, 'yun 'yung pagpapatawa at pagpapasaya sa amin tuwing magkakasama kami," ani Karla.

Bisitahin ang Patrol.PH para sa iba pang mga balita.

ai vision