Watch more in iWantv or TFC.tv

Umani ng papuri mula sa mga manonood sa New York Asian Film Festival sa Amerika ang pelikulang "BuyBust" na pinagbibidahan ni Anne Curtis.

Itinaon ang world premiere ng pelikula, na dinirek ni Erik Matti, sa closing night ng New York Asian Film Festival bilang finale.

"She (Curtis) was crazy, she was like the coolest female in the world, honestly. I don't even know how to say it," sabi ni Jordan Steward, isa sa mga nanood sa premiere.

"Sobrang nanginginig ako, goosebumps and all," sabi naman ni Andrich Rabano.

"Action sequences were superb and I think all around, it was an excellent movie. It's entertaining, it's fun," ani Ray Mercado.

Hindi naman napigilan ni Curtis na maiyak sa Q&A para sa pelikula, lalo at unang beses din lang umano niyang napanood ang pelikula sa world premiere.

"When you finally see all the hard work come to life and pieced together with the music and everything, it's just so overwhelming," ani Curtis.

WATCH: Anne cries in Q&A after 'BuyBust' premiere in New York

Ginampanan ni Curtis sa pelikula ang papel ng isang tauhan ng Philippine Drug Enforcement Agency na kasama sa isang sumablay na drug operation.

Nakatanggap din ng mga papuri ang "BuyBust" mula kay John Berra ng Screen Daily, isang online magazine hinggil sa mga pelikula.

'BuyBust' gets rave review after New York premiere

Ipalalabas ang "BuyBust" sa Agosto 1 sa mga sinehan sa Pilipinas.

— Ulat ni Don Tagala, ABS-CBN News

Bisitahin ang Patrol.PH para sa iba pang mga balita.

ai vision