DAVAO CITY—Arestado ang isang babae at isang lalake sa operasyong kontra ilegal na droga sa lungsod na ito Huwebes ng umaga.

Kinilala ang mga suspek na sina Jeffer Paul Fernandez, 29, at Genieveve Tecson, 24.

Nakuha mula sa 2 ang 4 na sachet ng hinihinalang shabu at 2 pakete ng hinihinalang marijuana sa loob ng kanilang nirerentahang kuwarto sa Barangay Calinan.

Ayon kay Chief Inspector Arquimedes Wesley, station commander ng Calinan Police, matagal na nilang minamanmanan ang mag-live-in partner na ayon sa kanilang asset ay patuloy sa pagbebenta ng ipinagbabawal na droga.

Mariing itinanggi ng 2 ang mga paratang sa kanila. Hindi rin umano sa kanila ang mga pakete ng droga, at inilagay lamang umano ng mga pulis sa likod ng kanilang pintuan bago isinagawa ang raid.

Inamin naman nila na gumagamit sila ng ilegal na droga.

bin picking