Nakipagbarilan umano sa operatiba ang drug suspek na si alyas Ronelio matapos makatunog na pulis pala ang kaniyang ka-transaksiyon sa bayan ng San Simon sa Pampanga. San Simon Municipal Police Station

SAN SIMON, Pampanga – Patay ang isang drug suspek nang manlaban umano matapos malamang pulis pala ang naka-transaksiyon niya sa Barangay Concepcion sa bayang ito, madaling araw ng Biyernes.

Nakilala lamang ang suspek sa alyas na Ronelio, tubong Baliuag, Bulacan.

Nakabili sa kaniya ang nagpanggap na buyer ng hinihinalang shabu na nagkakahalaga ng P500. 

Pero bumunot umano ng baril ang suspek nang makatunog na pulis ang buyer kaya nagkabarilan na nagresulta sa kaniyang pagkamatay.

Nakuha mula sa suspect ang isang baril, mga bala at apat na sachet ng hinihinalang shabu.

Bisitahin ang Patrol.PH para sa iba pang mga balita.

bin picking