Larawan mula sa Bureau of Fire Protection sa bayan ng Luna

LUNA, Isabela — Patay ang isang padre de pamilya nang masunog ang kanilang bahay sa isang subdivision sa Barangay Mambabanganitong Sabado ng umaga.

Ayon sa Bureau of Fire Protection, natutulog si Francisco Blanco nang sumiklab ang sunog at hindi na nakalabas nang buhay pa sa kanilang bahay.

Dagdag pa ni Senior Fire Officer Noly Lintao, kapitbahay na lamang ng mga Blanco ang nakapansin ng sunog at nag-ulat sa mga awtoridad nang umagang iyon.

Sabi ni Lintao, posibleng electrical short circuit ang sanhi ng sunog, lalo't ang pinakanasunog na parte ay ang sala kung saan nakalagay ang TV set at ilan pang appliances. 

Labis naman ang lungkot ng unico hijo ni Blanco na si Frank na kahahatid lang sa eskuwelahan ng ama noong umagang iyon. 

"Sana hindi na lang ako pumasok," pagsisisi ng bata.

Bisitahin ang Patrol.PH para sa iba pang mga balita.

bin picking