Watch more in iWantv or TFC.tv

Hindi matanggap ng mga pamilya ng ilang nasawi sa Samar "misencounter" ang sinapit ng kanilang mga kaanak.

"Hindi namin ma-accept na misencounter [dahil] para sa amin ambush po iyon," ani Jun Escalo, kapatid ni PO1 Julie Escalo.

Kabilang si Julie sa mga nasawi sa nangyaring misencounter umano sa pagitan ng pulisya at militar sa Sta. Rita, Samar kamakailan.

"Huwag daw kaming magtanim ng sama ng loob pero hindi namin kayang gawin 'yon," saad naman ni Rachel Reyes, asawa ni PO1 Rowell Reyes.

Giit naman ni Pangulong Rodrigo Duterte, hindi aniya sinasadya ang insidente na ikinasawi ng anim na pulis.

"Sabi ko sa kanila, kalimutan na lang ninyo tutal hindi naman sinasadya," ani Duterte sa kaniyang talumpati sa Sangyaw Festival sa Tacloban.

Inako rin ni Duterte ang responsibilidad sa "misencounter."

"Kayong mga pulis, ako 'yong pinaka-commander ninyo, pati 'yong kayo mga army, ako rin…let's just say that it's all my fault," anang Pangulo.

May nakikita naman na posibleng paglabag sa standard operating procedure ang Armed Forces of the Philippines (AFP) sa nangyaring insidente.

Posibleng paglabag sa SOP tinitingnan ng militar ukol sa Samar 'misencounter'

Inakala ng mga sundalo na mga kasapi ng New People's Army ang mga pulis dahil maputik umano ang mga ito at mahirap makilala. 

Taliwas naman ang salaysay ng militar sa mga retratong inilabas ng mga nakaligtas na pulis kung saan makikita ang mga ito na kumpletong naka-uniporme.

Alibi ng militar sa Samar 'misencounter' pinasinungalingan ng pulis na testigo

— Ulat ni Ron Gagalac, ABS-CBN News

Bisitahin ang Patrol.PH para sa iba pang mga balita.

bin picking