Puerto Princesa Mayor Lucilo Bayron, ABS-CBN News

PUERTO PRINCESA – Aminado ang alkalde ng lungsod na ito na hindi niya maiwasang mangamba dahil sa magkasunod na pagpaslang sa dalawang mayor ng magkaibang bayan noong nakaraang linggo.

Sa pakikipag-ugnayan umano ni Mayor Lucilo Bayron sa iba pang alkalde, maging sila raw ay nagpapaalalahanang mag-ingat.

Kaya't kahit wala man daw banta sa kaligtasan, pinatabasan na ngayon ang masukal na race track sa tapat ng Puerto Princesa City Hall, kung saan ginaganap ang flag ceremony tuwing Lunes na karaniwang dinadaluhan ng alkalde.

Para kay Bayron, hindi masamang mag-ingat dahil ang banta sa buhay ay hindi matiyak kung kailan darating, kaya't mabuti aniyang handa.

Pinatay si Antonio Halili, alkalde ng Tanauan, Batangas, nitong Lunes sa kalagitnaan ng flag ceremony. May tatlong persons of interest na ang pulisya at mayroon ding nakapagsabi na may mga kahinahinalang lalaking nakita sa crime scene. 

Tanauan City Mayor Tony Halili, binaril sa flag ceremony

Hindi pa man nakikilala ang salarin, tukoy na ng awtoridad ang lokasyon ng gunman nang mangyari ang krimen: sa isang madamong lugar na tanaw ang pinagdausan ng flag ceremony. 

Puwesto ng gunman sa Halili slay, kumpirmado na

Isang araw matapos ang pagpatay kay Halili, pinagbabaril naman nang malapitan ang sasakyan ni General Tinio Mayor Ferdinand Bote ng Nueva Ecija.

WATCH: Gunman shoots Nueva Ecija town mayor up close

Idineklarang dead on arrival sa ospital ang alkalde matapos magtamo ng 18 tama sa katawan.

May alok nang P1 milyong pabuya ang lokal na pamahalaan sa sinumang makapagtuturo sa mga salarin.

P1-M pabuya laban sa mga salarin ni Mayor Bote, inilaan

bin picking