Sugatan ang isang pulis at kasamahan nito matapos silang pagbabarilin sa Barangay 117 sa Caloocan City Linggo.

Ginagamot sa ospital ang 43-anyos na si PO1 Allan Nocom na nakatalaga sa Basilan Police Station.

Nagtamo naman ng tama ng bala sa braso ang kasamahan nitong si alyas "Dodong."

Ayon sa inisyal na imbestigasyon ng pulisya, nag-uusap ang dalawa sa tapat ng bahay ng biktima nang biglang dumating ang dalawang lalaking sakay ng motorsiklo.

Biglang bumunot ng baril ang salarin at saka nagpaputok ng baril sa mga biktima.

Kasalukuyan pang nasa ospital si Nocom, habang nasa ligtas nang kalagayan ang kasamahan nitong si Dodong.

Bisitahin ang Patrol.PH para sa iba pang mga balita.

bin picking