Watch more in iWantv or TFC.tv

Sa gitna ng kabi-kabilang batikos sa serbisyo ay inilunsad nitong Martes ng Grab Philippines ang isang programa para sa pagsasanay ng mga drayber.

Sa ilalim ng "Grab Driver Academy," magkakaroon ang mga drayber ng refresher course sa pagmamaneho at mga dagdag kaalaman katulad ng first aid training.

AksIyon ito ng Grab upang mapabuti anila ang kalidad ng kanilang serbisyo.

Bahagi rin ang programa ng 100-day plan na layuning maibsan ang reklamo ng mga pasahero. 

Kabilang sa mga reklamo ang pahirapan sa booking, napapadalas na cancellation, at lalong tumatagal na waiting time.

Aminado ang Grab na hindi sapat ang bilang ng mga pumapasadang unit kaya't may ayuda na ibinibigay ang kompanya upang makahikayat pa ng mga dagdag na drayber.

"With all the other subsidy and incentive program that we've given out that comes in the form of reduced commission, some drivers have come on board but it is still lacking," ani Grab country head Brian Cu.

Sa susunod na linggo ay magsasagawa ng assessment ang Grab upang malaman kung naging epektibo ang kanilang plano.

— Ulat ni Zen Hernandez, ABS-CBN News

Bisitahin ang Patrol.PH para sa iba pang mga balita.

bin picking