Watch more in iWantv or TFC.tv

Nag-aalala ang kampo ng boksingerong si Lucas Matthysse sa hindi pa nalilinaw na usapin sa pera para sa nalalapit na laban kontra kay Manny Pacquiao.

"My worry is, if the money is not there, we are not traveling because we are not gonna go [sic] fight for free," ani Joel Diaz, coach ni Matthysse.

Halos dalawang linggo na lang bago ang nakatakdang Pacquiao-Matthysse fight.

Ayon pa kay Diaz, kung hindi matutuloy ang laban ay posibleng magretiro na lamang mula sa boxing si Matthysse.

Si Pacquiao na lamang aniya ang nais na makalaban ni Matthysse.

"If this thing won't come true, he (Matthysse) will retire," ani Diaz.

Ipinauubaya rin ni Matthysse ang usaping pera sa kaniyang management team.

Ayaw niya kasing mawala ang kaniyang pagtutok sa ensayo para sa laban.

"The last thing I wanna do is get Lucas away from his focus," ani Diaz.

Pacquiao assures Matthysse fight will go on as planned

'No commercial'

Pangamba rin ng kampo ni Matthysse na wala pa umano silang nakikita na TV commercial sa Amerika tungkol sa nalalapit na pagtutuos.

"Up to this day I have not seen commercials on ESPN of the fight, no promotions, nothing," ani Diaz.

Aniya, nagpadala na sila ng mensahe sa kampo ni Pacquiao.

"We know we are dealing with professionals, so that's the reason we keep training," ani Diaz. "It's not a distraction to us, you know, all my respects for Manny and he's putting in the work to make this happen, it will happen."

Sa ngayon ay tuloy pa rin ang laban sa Kuala Lumpur, Malaysia sa Hulyo 14.

— Ulat ni Bev Llorente, ABS-CBN News

Bisitahin ang Patrol.PH para sa iba pang mga balita.

ai vision