Watch more in iWantv or TFC.tv

MANILA — Mas tumibay ang relasyon nina LJ Moreno at asawa nitong si Jimmy Alapag matapos nilang magdesisyon noon na mag-ampon.

Sa "Magandang Buhay" nitong Miyerkoles, muling binalikan ni LJ kung paano nila nakuha ang kanilang anak na si Ian Maximus

Matatandaang bago pa kay Ian ay nauna nang nag-ampon ng batang babae sina LJ at Jimmy pero hindi ito natuloy.

Pag-amin ni LJ, mas tumibay ang relasyon nilang mag-asawa sa dami ng kanilang pinagdaanan sa pag-aampon.

"I think sa dami naming pinagdaanan talaga, mas naging stronger ang relationship. From first child pa lang, doon sa baby girl. Tapos we had Ian and our biological children. Mas naging strong 'yung relationship namin. At mas naging tight ang kapit namin kay God," ani LJ.

Ngayon ay tatlo na ang anak ni LJ na minamahal at tinatrato niya ng pantay-pantay.

"'Yung ibang tao — they don't mean any harm — pero 'yung comments nila na 'alam mo kapag nanganak ka, mag-iiba ang feeling.' Pero I can honestly say na when I gave birth to Keona, walang pagkakaiba. Kung ano 'yung love ko kay Ian, Keona at Calen ay pantay-pantay. Ang difference lang siguro ay hindi siya lumabas sa akin pero as far as love and everything else is concerned he's our son. No difference talaga. So, 'yung love pantay talaga," ani LJ na ibinahaging batid ni Ian kung saan siya talaga nanggaling.

May payo naman ni LJ sa mga nais na mag-ampon. "I believe na 'yung adoption dapat 101% sure ka," ani LJ.

Bisitahin ang Patrol.PH para sa iba pang mga balita.

ai vision