Watch more in iWantv or TFC.tv

MANILA — Ipinaliwanag ni Sofia Andres ang totoong dahilan kung bakit kinailangan niya na pansamantalang magpahinga sa kanyang showbiz career.

Maraming bersiyon ng kuwento ang pinag-usapan, pero niliwanag ito ni Sofia.

"I've been going to my therapist po for my anxiety because I've been dealing with anxiety. Pero now I'm doing better, I'm doing a lot better. I chose to rest muna for a month from showbiz. Parang kasi 'yun ang nagko-cause sa akin minsan, stressing me out," aniya.

Sa pagkawala naman ng kanyang karakter sa "Bagani," alam na niya ito sa simula pa lang ng kanilang palabas.

Sanay na rin siya sa bashers kaya hindi na siya nag-comment dito.

"Ganito po 'yan. Kasi 'yung 'Bagani' from the very start, I know I'm gonna die, yes. In-explain na po 'yan sa akin. Tapos siguro dahil sumabay lang 'yan na may bad attitude, ganito, ganyan kaya natanggal. Ayaw ko na naman mag-tweet about it, hayaan niyo na, 'yun na 'yung nangyari e. People will judge you every time," paliwanag ng aktres.
 
Pahinga man ngayon si Sofia, nami-miss niya ang showbiz at nagbigay pa ng teaser sa kanyang pagbabalik.

"Malay mo, bumalik. 'Yung camera, na-miss ko 'yung camera in front of me… I miss acting also, pero gusto kong bumalik pag talagang ready na talaga ako," aniya.

At sa kanyang ex-love team partner na si Diego Loyzaga, nagbigay siya ng mensahe.
 
"I don't care about his personal life. I don't say something about his personal life on social media. Because it's my life, medyo na-offend lang ako, but Diego knows na what he did," ani Sofia.

Hoping si Sofia na maging maayos ang kanyang kondisyon para makapagpatuloy na sa kanyang career.

Bisitahin ang Patrol.PH para sa iba pang mga balita.

ai vision