Trending at wagi sa ratings ang mga kilig na eksenang nina Coco Martin at Yassi Pressman sa teleseryeng “Ang Probinsyano.”

Marami ang naghintay na muling magkita at magkaayos si Cardo (Martin) at ang kanyang pinakamamahal sa si Alyana (Pressman).

Kasabay ng mataas na ratings at trending na mga eksena sa serye, trending at maingay din sa social media ang libangan ng “Ang Probinsyano” cast in between takes ng kanilang mga eksena.

Isa na rito ang kantahan sa tent kasama si Joross Gamboa habang naghihintay na kunan ang kanilang eksena. Pumalo na ito sa higit 20,000 views.

Isa pang patok ay ang kantahan pa rin sa kulitan video kung saan bida naman sina Joven Olvido at Whitney Tyson na may 1.3 million views na.

May joke time video naman kasama si Coco at sina Kuya Jobert at Bassilyo na mayroon ng 2.9 million views.

Iisang pamilya ang cast sa set ng top-rating teleserye, na pumalo ng 43.7 percent national ratings at 46.8 percent naman sa rural ratings base sa June 26 Kantar Media national TV ratings.

Asahan ang mas matitindi pang eksena at plot twist sa kuwento ng “Ang Probinsyano.”

Bisitahin ang Patrol.PH para sa iba pang mga balita.

ai vision