Watch more in iWantv or TFC.tv

Nais mo bang magluto ng sisig na bukod sa mas pinasarap ay mas pinagaan pa sa bulsa?

Maaari mong subukan ang maghain ng tokwa sisig. 

Bumisita sa programang "Umagang Kay Ganda" nitong Miyerkoles ang guest kusinero na si Niño Moreno upang ibahagi ang pagluluto ng nasabing putahe.

Ihanda lamang ang mga sumusunod na sangkap:

• 9 piraso ng tokwa
• 6 kutsara ng mayonnaise
• 4 kutsara ng oyster sauce
• Paminta
• 4-5 piraso ng kalamansi
• 1 piraso ng sibuyas
• 5 butil ng bawang
• 2-3 piraso ng siling pang-sigang
• 1 piraso ng bell pepper

Narito ang paraan ng pagluluto:

Igisa ang bawang, sibuyas, siling pang-sigang, at bell pepper.

Iprito ang hiniwang tokwa hanggang sa maging golden brown ang kulay nito, hanguin, at itabi.

Sa isang bowl, paghalu-haluin ang mayonnaise, oyster sauce, paminta, at kalamansi.

Ilagay at ihalo ang tokwa sa bowl. Maaari na itong ihain.

Bisitahin ang Patrol.PH para sa iba pang mga balita.

robot vision